台灣霧之戀 (尖沙咀)
地址：尖沙咀加拿芬道45-47號宏生大廈地下D2號舖
電話：97155544
最近厚福街新開咗間特色小店，主打煙霧茶飲、甜品🌈☁️部份飲品拎上手時有超強冒煙效果，大霧到好似杯野著火咁，吸引唔少途人眼光😂啱晒打卡！7點前仲有買一送一優惠 。
想平平哋打卡又解渴嘅，可以試吓「台灣QQ果凍氣泡水」$28，多口味揀之餘噴煙強勁✨想誇張啲嘅、不妨試試「芒果三重奏」$42，為芒果肉椰奶+椰汁冰+白雪珍珠/蘆薈爽或小芋圓🥭好大杯同樣有冒煙效果，芒果香甜芋圓夠煙韌，可以2個人share。
想食甜品就有原個椰子凍$48-$55🥥可以配芒果肉/芋圓，底層椰子凍有啲似椰子啫喱，但拎上手椰子真係幾重下，食起上嚟唔係好方便😂
芋圓控 (觀塘)
地址：觀塘駿業里6號富利工業大廈11樓C室
電話：N
人氣芋圓店 tarolover.hk 近日終於重開，更由外賣轉為堂食店，芋圓控阿祖梗係即刻潮聖😜店內位置都算多、光猛企理✨平日下午去到都要等一陣位，留意暫時只開2:00-8:00，星期日休息。除咗set好咗嘅甜品款式、仲有得自選配料！
A.招牌自家製芋圓 $46
包括仙草凍、包心芋圓、三色芋圓、粉圓、西米，可自選仙草汁/黑糖/椰汁/淡奶/4.3牛乳，揀咗仙草汁！上枱時用外賣碗裝住，假如轉用堂食餐具就更美觀同環保🌿芋圓唔算好大粒，但煙韌帶點粉粉的質感，原材料味道突出🍠包心芋圓冇外面食到嘅外型咁工整，有啲似台灣花枝焿裏面嘅花枝😂幸好內裹芋泥味道不錯。一讚仙草凍甘而不苦澀，軟滑嫩口唔會成嚿涼粉咁
E.奶共不了 $42
包括仙草凍、包心芋圓、三色芋圓、粉圓、西米，可自選仙草汁/黑糖/椰汁/淡奶/4.3牛包括奶茶凍、蜜紅豆、芋泥球、包心芋圓、芋圓、粉圓，揀咗黑糖汁！一直好喜歡呢度嘅奶茶凍，滑嘟嘟口感似布甸，充滿奶茶香～假如配淡奶或4.3牛乳味道更夾🥛芋泥球亦值得一試，奶香同芋泥味道平衝
Dawn (太子)
地址：太子花園街233-235號偉雄大廈地下A號舖
電話：25699918
一直book mark咗呢間Cafe好耐，前排終於有機會試吓！留意餐廳唔開夜晚，唔好摸門釘🤫環境就走木系簡約路線，但位與位之間有少許逼。唔少人推介薯仔團同北非焗蛋，一於試試味道係點😋
馬鈴薯團 $98
Gnocchi喺歐美地區好普遍，薯仔加入麵粉、蛋搓成一粒粒，食落煙韌帶點薯仔嘅甜味🥔呢度嘅薯仔團伴以煙肉白菌、田螺忌廉汁同洋蔥，醬汁質感濃厚creamy，挺重囗味～薯仔團口感也不錯，但薯仔味唔係好突出，有啲似食淋身啲嘅年糕。幸好唔算太膩，阿祖成功一個人K.O.左成碟🤣
北非焗蛋 $92
焗蛋配以3件法包！北非焗蛋上層係芝士、下面有啲粟米、薯仔粒、鹹牛肉、蔬菜菇菌、蕃茄醬同流心蛋黃，點埋一齊食🍅🧀味道有啲似千層麵，賣相幾吸引但唔算好特別
是日蛋糕 $48
當日有四款蛋糕選擇，包括Oreo、朱古力、芝士蛋糕等等～食落味道比想像中輕盈唔係好甜，忌廉味比較重，上面有啲Oreo粉😋但質感就唔似芝士蛋糕creamy嗰種，比較實淨
泰金國 (九龍城)
地址：九龍城侯王道9號地下A號舖
電話：46608255
九龍城泰國餐廳多不勝數，呢間必定係最多人排隊之一！主要原因必定要數 #香港牛扒關注組 經常推介呢度嘅燒牛肉🍖平日7:30去到，兩個人都要排45分鐘。餐牌選擇都幾多、其中最多人食仲有蒜蓉包、螄咁、冬陰功湯、串燒等
燒牛肉 $88
先介紹今晚嘅招牌菜式！用電爐大約燒至五至七成熟左右，每件牛肉中心都仲係偏粉紅色🐂食落肉質軟淋，某啲位保留少少韌勁，食得出冇落鬆肉粉，牛肉味幾濃👍🏻有啲似酒店食到嘅燒牛肉！部份頭尾位置有少許脂肪，但整體偏瘦。一定要點旁邊泰式辣醬汁，令牛肉更加惹味解膩，有畫龍點睛嘅效果🌶值得專程試
蒜蓉包 $28
蒜蓉包比想像中份量多，新鮮熱辣焗出嚟🥖法包外脆內軟唔會好硬身，但蒜蓉牛油味不算太濃烈，在重口味少少就更加正🧄
泰式肉碎生菜包 $88
呢款係阿祖最鍾意嘅泰國菜菜式之一，去任何一間泰國餐廳都會點🤣肉碎份量好多、肥瘦適中，食落好重泰式香料嘅味道！生菜幾新鮮爽脆嘅，可惜就唔係好多片，搞到食到最後菜就食晒、仲剩返好多肉碎，要搵蒜蓉包送肉碎🥬
馬拉盞炒通菜 $78
同樣係泰國菜必點菜式，通菜份量都OK堆成一座小山，食落就唔算好辣～但醬汁水份比較多
芒果沙冰 $38
網上見呢度嘅沙冰成座冰山咁，呢個價錢來講算係咁！芒果味都算自然嘅、但就唔係特別濃郁，叫做解下渴🥭
《Stickhouse X VaWongsir》貓山王月餅！
全球有超過90間分店嘅人氣Gelato手工雪條品牌「Stickhouse」，今年中秋有新搞作！講緊嘅係馬來西亞直送嘅 D197 貓山王冰皮月餅！
靚靚月餅盒由本地插畫家 VaWongsir 設計，每盒有6件100% 馬來西亞樹上熟貓山王榴槤肉餡冰皮月餅，買完未得閒食可以放入冰格，食之前放返入0-5 ℃ 嘅保鮮雪櫃，30分鐘就食得 ～
一剪開個膠袋包裝，強烈嘅榴槤味即刻湧上嚟！營養表入面榴槤果肉係排最前！切開即刻見到淡黃色嘅榴槤肉餡，咬落香濃軟滑，食到一絲絲果肉、真材實料，無一味死甜！濃味嘅內餡被外邊嘅冰皮中和返，原本想食半嚿試味，食完又忍唔住食埋淨低嗰半嚿 …好邪惡呀！
而家參加23區團購，仲可以連埋Stickhouse雪條一齊買 （$82/6支、不同口味），雪條嗒落係微微帶煙靭，朱古力味非常香濃，大熱天時食爽到爆！
詳細購買方法如下：
| 價錢 | 原價$398。現團購價$268（免運費） 宅配價$278（需運費） |
| 送貨 | 30區月餅團購，全港免運費 ▷ 團購連結：https://forms.gle/FBuPzUmMiqgfmA7K6 ___________________________________________ 由5DExpress物流配送，於送貨日前一天物流公司會致電再確定配送時間，每盒運費$50，其後每盒加$10。 ⤍▷ 零售宅配連結： https://www.stickhousehk.com/online-shop |
請電郵 info@meeapp.com 了解合作
Top Blade Steak Lab
地址：沙田正街18號新城市廣場1期1樓108號舖 ｜何文田梭椏道4A號榮英大厦地舖 ｜銅鑼灣希慎道2-4號地舖
電話：2331 3253
餓底首次大胃王挑戰！今次來到沙田的Top Blade Steak Lab，挑戰晚市整個菜單！當中有餐廳招牌的Flat iron，是所有牛肉部位軟腍度排行第二，僅次於菲力牛柳。接受挑戰的JonB更邀請了西廚朋友Leon一起，進行肥仔對決！究竟最後誰會成為贏家？失敗者又會有甚麼懲罰？
餓底TV成立於2021年6月，
由幾位成日肚餓嘅「飲食男女」組成。
秉承「蘋果」精神，
Stay Hungry，Stay Foolish。
世界再壞，都要食飯。
有咩事，食飯再講。
廣告合作： info@meeapp.com
Café Paradise
地址：北角英皇道483-497號東寶大廈地下C-D號舖
電話：3489 2858
「我覺得吃東西，除了品嚐食物本身，其實亦講究一系列的感受，我好希望客人進來吃一頓飯，能夠享受整個過程。」北角英皇道最近開了間新café，主打多樣化的平民西餐，有常見的All Day Breakfast、薄餅、意粉等，亦有鐵板料理、石燒扒餐、牛扒、豬鞍等主菜及甜品，適合一班朋友或家庭齊齊開餐。
老闆Anthony特別推薦香脆豬手配燒汁，先用黑胡椒粒、香葉等燜至少4小時，客人下單後再半煎炸，令外皮香脆鬆化，肉質鮮嫩，搭配的燒汁用牛筋、牛肋條等熬製，蘸著吃更濃香。想吃得經濟點，可選擇石燒牛扒，最平$78就有交易，牛肩胛肉眼牛味重，入口不韌，加$30還可升級套餐，性價比高。
餓底TV成立於2021年6月，
由幾位成日肚餓嘅「飲食男女」組成。
秉承「蘋果」精神，
Stay Hungry，Stay Foolish。
世界再壞，都要食飯。
有咩事，食飯再講。
廣告合作： info@meeapp.com
潮食閣
地址：葵涌廣場3樓TOP世界3069-T23-T25號舖
電話：95658508
曾為私飯供應商嘅潮食閣，日前宣佈將專注經營到會生意，葵廣檔口將改由另一間黃店「吉壹嘢」接手，繼續供應炸物等小食。
據潮食閣FB，原先8月潮食閣打算唔開舖交吉，但吉壹嘢願意幫手做埋8月，等潮食閣手足們有錢交足，認真有義氣！
睇到呢個消息，我哋即刻狗衝去支持！
可能因為啱啱接手，好多嘢食都未返貨，有少量炸物同滷味供應：
吉壹嘢原本喺盛芳街17號B1 A嘅地舖都會繼續營業～有沙律、甜品等等地舖限定美食！
老闆話希望兩間舖都可以堅持到，因為地舖係街邊，有好多唔同嘅街坊同埋同路人會專登過嚟打招呼🙋
散水禮物推薦！💛
🤟🏻走先啦係咁先啦 下次再玩啦～🤟🏻
成日都有好多人問我有乜散水禮物推介，又話想特別啲、要好食、最好唔洗早2星期訂😹
老實我都唔係散過好多次水🤣但都有啲平時幫襯過嘅舖頭可以推介吓～
好cute cute嘅布甸燒，上面字樣仲可以訂製！訂購一定數量店家會安排送貨喔～
呢個大家都唔陌生吧～抵死搞嘢的屌屌貓！
Walk in 即可購買嘅蝴蝶酥、曲奇💛
Valerie嘅曲奇蝴蝶酥係世一的！送畀上司我驚佢即刻留住你唔畀你quit 🥲
喺市集遇上的小店～曲奇嘅字樣好有趣，臨quit工一齊西爆啲仆街同事🤣
我哋仲徵集咗唔少網友嘅推薦！泡芙、撻、蛋糕等等都有呢～
紅伶飯店 (油麻地)
地址：油麻地砵蘭街10-16號宜發大廈地下D及E號舖
電話：34812020
有時約食飯人數多啲，潮州打冷都係唔錯選擇☺️呢間油麻地打冷餐廳前排重開，原本已經有50年歷史。阿祖一行4人去咗試吓！除咗潮州菜式，仲提供多款小炒、海鮮、煲等等，環境比較簡陋，味道又係點呢？
鮮潮州靚鵝片 $138
滷水雜錦 $138
去到潮州打冷、點可以唔食滷水！ 雜錦可以一次過試多啲款，裏面有紅腸、墨魚、豬頭肉、豬耳、豬腸、鵝腸、雞腎、墊底係芽菜。份量都算幾多，食落都入味嘅，但味道就唔係話好驚喜，正常發揮🤣滷水鵝就配埋花生同滷水豆腐，鵝肉肉質偏瘦、有少許乾身
冰鎮芥辣墨魚片 $100
店員推介嘅菜式！墨魚片大大塊，雖然冇冰墊底、但雪得好夠凍。墨魚爽口彈牙，食得出都算幾新鮮，配埋芥辣更能帶出鮮味，值得一試🦑
椒鹽鮮魷 $108
其他椒鹽嘅菜式都仲有好多，例如椒鹽九肚魚、白飯魚、雞軟骨、賴尿蝦等等。份量就中等，出面嘅炸皮一咬就同魷魚分開咗🤣幸好都爽口唔油膩，調味唔會好鹹
蜜椒薯仔牛柳粒 $138
之前食過深水埗萬發念念不忘，又再點左薯仔牛柳粒🤣食落非常有驚喜，薯仔表面脆口、內裏熱辣辣好軟熟，蜜糖同黑椒味平衡😍牛柳粒亦夠入味，不過有一兩舊有筋
蠔仔肉碎粥 $38(細)
雖然話係細份量、其實都夠兩個人share送飯。裏面有好多蠔仔，令整碗粥都帶埋有鮮甜味，最特別係裏面有埋魷魚絲，食落口感更豐富
整體而言質素屬於中間高少少，小炒比滷水更驚喜😅