何車車仔麵💛特色撈麵🍜太子車仔麵

何車車仔麵

地址:太子界限街41C號長勝大廈地舖

電話:94548789


呢間良心車仔麵店,店內位置唔係好多,出餐時間亦比較慢,想食記得避開繁忙時間

💕麵底 $10-$15

呢度除咗一般嘅車仔湯麵、最特別係各款口味撈麵,包括蝦子撈麵、黑松露撈麵、咖喱撈麵等等🤩蝦子撈麵 $15蝦子分量超多,覆蓋晒全部餸,食到最後一啖都有👍🏻幼麵夠爽口!蒜油麻辣撈麵 $15麻辣味超香唔會多個死辣,但粗面口感就硬身啲🌶另外所有配料都可以免費加蔥、蒜蓉、麻辣油等等,必試佢哋嘅麻辣油,令麵更加惹味。想健康啲唔想食咁多澱粉嘅、仲有得揀各款菜底!

 💕車仔麵配料 $8-$15

雖然呢度嘅餸價錢比較貴,份量唔係好多,但質素有保證!接近40多款選擇,同朋友點咗陳皮魚蛋、魚腐、糖心蘿蔔、燒豬頸肉同手撕雞😻 陳皮魚蛋嘅陳皮香好重,加埋大量蝦子味道好夾。糖心蘿蔔都係必點,入口軟淋冇渣,但就細件咗啲唔夠滿足

💕炸物小食 $15

呢度嘅炸物反而幾平一律$15,包括炸雲吞、黑松露薯條、吉列炸蝦、絲網春卷、炸蠔等。試咗炸媽媽餃子3件,新鮮炸起外皮夠晒脆、唔會太厚,裏面菜肉均勻,不會太油膩🥟想食特別啲嘅車仔麵,記得試吓呢間! 

<strong>joeie_foodie</strong>
joeie_foodie

麻甩女子祖·美食插畫提案🍽 𝐻𝒦 𝒻𝑜𝑜𝒹𝒾𝑒

廣告合作: info@meeapp.com

分享:

【Girls_Foodie】海鮮多過飯!超足料懷舊西餐

寶膳餐廳

地址:鴨脷洲鴨脷洲大街117號地舖

電話:28701588


海鮮多過飯!超足料懷舊西餐

揾食揾到由屯門去鴨脷洲😨
人生第一次就獻咗畀食黃店…..

但食完我會話絕對值得我山長水遠碌入嚟!

尤其係個意大利飯非常高質😭

== 我哋叫咗 == 

▪️酥炸軟殼蟹 墨魚汁海鮮意大利飯 

▪️香煎原條龍脷魚 配檸檬牛油汁

▪️芝士蒜蓉焗青口

▪️法式焦糖燉蛋 

== 我哋叫咗 == 

環境巧舒服~雖然格局唔係高級餐廳

但係座位好寬敞

帶老母嚟食一樣無詐型!

主菜可以加錢跟餐,沙律幾新鮮

蒜蓉包勁脆,但唔係乾爭爭嗰種,蒜蓉味勁出,可以就咁食一碟堂當一餐🙏🏻 

特別位係餐飲有港式懷舊飲品嗌,我哋呢杯係黑牛(勁肥🥲)

呢間餐廳有種舊式西餐嘅感覺,但水準比一般豉油西餐高一班,呢個價錢好撚抵屌,慶祝請食飯都唔肉赤😭

強烈推薦呢個意大利飯👇🏻

平時食墨魚汁意大利飯,都係好鹹/好漏

但呢個係每粒有咬口嘅飯粒,都索滿墨魚汁,食落鹹香啱啱好,所有嘢都無「做多咗」!!

癲位係啲配料,隻蟹好大隻,粉漿薄脆,入面有橙膏,勁撚肥美!海鮮有魚塊、帶子、青口、蜆肉、鮮蝦、墨魚圈…

全部都係鮮甜唔梅,一路食一路突破我想像🤯🤯 仲加搵幾種菇一齊煮,多重口感,勁正!なに!?真心收$138畀咁足料乜……

原條魚柳個皮好脆好香,肉質軟嫩,檸檬汁有提鮮作用

但白色個pat牛油白汁認真麻麻,薯條係急凍曲薯,呢個好扣分好似帶我去翻茶記咁🥲

芝士焗青口又係大大隻又飽滿~

焦糖燉蛋好滑好香雲尼拿味!
Girls Foodies
Girls Foodies

非正式統計:睇開我哋嘅毒撚,一定揾到真愛💛 如果你日日睇都揾唔到⋯⋯⋯至少證明你唔係毒撚😚!

廣告合作: info@meeapp.com

分享:

旺角新開🌺夏威夷刺身飯

WoW LAB 熾工房

地址:長洲建新里9號地舖

電話:28511299


之前喺長洲試過呢間小店嘅烤雞,令人回味👍最近見西營盤高街開咗新分店,終於唔使去到咁遠!平日晚上7:30左右去到、只有阿祖一枱客😢環境比長洲更寬落舒適。主打烤雞/炸雞/蘑菇飯,亦提供桶餐、熱狗、小食等。點咗兩份餐,等咗差不多20分鐘先有嘢食…以得一枱客來講時間有點長呢



💕滋味脆雞套餐 $66
包括兩件炸雞、一件雞槌一件雞胸、薯條同汽水,薯條可換成牛油粟米。新鮮炸起嘅雞熱辣辣,雞皮脆卜卜唔會太硬,但有少少乾身🍗雞肉仍然保留肉汁,肉質嫩滑唔嚡口,略嫌調味比較淡。薯條同樣外脆內軟,不過就唔算太特別🍟

💕香辣烤雞套餐 $70
同樣係雞槌+雞胸嘅配搭,薯條+$5轉做蘑菇飯!烤雞比炸雞更好食,燒雞皮微微地脆,裏面肉汁更多更滑嫩,冇炸雞咁乾✨後勁有淡淡嘅香辣味,唔係話太突出,食到碟底見有啲油膩。蘑菇飯方面,KFC蘑菇飯深入民心,但呢度走另一種style – 用咗新鮮白菌,忌廉蘑菇汁質地較濃厚同杰身,比KFC版本creamy好多。但食到後面醬汁不夠

整體而言、佢係貴價版亦係好味版KFC,keep到長洲水準~雞更肉嫩大隻,用料更好地方更舒服,烤雞比炸雞更值得試。但等候時間實在太耐

📍熾工房 WoW Lab
西環高街111號地舖
長洲建新里9號地舖
⭐️人均消費:$60-$80

<strong>joeie_foodie</strong>
joeie_foodie

麻甩女子祖·美食插畫提案🍽 𝐻𝒦 𝒻𝑜𝑜𝒹𝒾𝑒

廣告合作: info@meeapp.com

分享:

銅鑼灣黃店 | 申子居酒屋新分店!$228 歎鹿兒島A4和牛燒

申子居酒屋

地址:銅鑼灣渣甸街渣甸中心9樓

電話:5998 9108


銅鑼灣黃店 | 申子居酒屋新分店!$228 歎鹿兒島A4和牛燒

今日來到銅鑼灣食飯,究竟有咩餐廳好揀?開業兩年的旺角人氣小店申子居酒屋,最近再下一城,在銅鑼灣開設樓上舖。新店面積比旺角店大一倍,座位數則不變,換言之坐得更舒服又鬆動。

風格與過往相若,不過食物有串燒、小食之餘,還增設了日本和牛、海鮮等直送飛機貨,款式更多元化。特別推薦鹿兒島A4和牛茶漬飯($298),湯底使用本地無激素雞熬足14小時,湯頭醇厚鮮甜,濃淡度剛好,搭配油香重的日本和牛,入口相當滿足。

<strong>餓底TV</strong>
餓底TV

餓底TV成立於2021年6月,
由幾位成日肚餓嘅「飲食男女」組成。
秉承「蘋果」精神,
Stay Hungry,Stay Foolish。
世界再壞,都要食飯。
有咩事,食飯再講。

廣告合作: info@meeapp.com

分享:

視點護眼

無懼藍絲追擊堅持

為手足免費提供眼鏡


灣仔新分店灣仔軒尼詩道290號地下

總店 | 深水埗西九龍中心 1 樓 140號 C鋪


免費為有需要手足提供全塑膠眼鏡的黃店「視點護眼」,近日在《蘋果》刊登頭版廣告,旋即被逾百匿名電話騷擾。廣告見報後,不少港人特意前來光顧,小店由中午到晚上都擠滿了客人。

剛趕回舖、仍滿頭大汗的老闆Michael見舖頭太擠迫,提議我們可改到附近的餐廳,邊吃邊談。他帶著我在街頭左穿右插,先到星河餐廳,無位,於是又再直走多幾個街口,到琦興餐廳吃下午茶。沿路下大雨,他又提醒我可以站在簷蓬下避雨,等到「綠燈響到尾」才過馬路。我笑說他真熟路,他揮了一下手:「唉,日日都喺到搵嘢食,點都熟路架喇!」

點了餐,我問他最近店內是否入了新一批合規格的眼鏡盒及眼鏡布,他倒著蜜糖道:「因為有手足屋企人反映過,之前白色底、印有我哋公司名嘅眼鏡布,懲教唔畀入。咁我哋就索性訂啲透明嘅白色眼鏡盒,同埋純白眼鏡布。」

免費為86位手足提供合懲教署規格塑膠眼鏡

老細 Michael

憶述手足們來店時的情形,Michael說雖然手足們即將面對還柙或監禁,但少有愁眉苦臉:「大家都唔想搞到個氣氛好似生離死別咁,基本上大家都係講下笑咁樣。」

他咬了一口西多士,續道:「有啲手足唔好意思免費拎,覺得自己都有能力負擔得起。我哋唔肯收佢哋錢,佢就買啲嘢食嚟,或者格硬要塞張阿布泰coupon畀我。」我笑說,那場景十足酒樓埋單爭畀錢,「都係㗎,有啲手足拎完貨畀低錢就跑走咗,影都見唔到。(係後生仔?)係呀,如果年紀大啲嘅,我追到就實追!」

Michael說,來配眼鏡的人其實甚麼年紀都有,有獨身一人,有男女朋友,有家長帶著孩子,也有人由社工陪同前來。感恩的是,曾經有人配完眼鏡,最後獲判罪名不成立,專程回來探望、道謝。

櫥窗張貼的海報被藍絲塗鴉

不過他坦言,與每位手足的相處時間其實很短,之後也甚少再有來往。「最大原因係我哋唔會過問對方案情,客人拎咗貨,聯絡資料亦會銷毀。」

被問到有何說話想對在囚手足說,Michael 喝了一大口凍奶茶,又再靜默了幾秒,才緩緩道:「想同佢哋講,明白你哋好辛苦….真係要堅強、加油。出面仲係有好多香港人,無論係心意上定生活上,依然會用好多途徑去支持你哋。」那麼,有甚麼說話想和香港人說?「唔好覺得自己好孤單,身邊其實仲有好多人,大家都仲喺到。」


Girls Foodies
Girls Foodies

非正式統計:睇開我哋嘅毒撚,一定揾到真愛💛 如果你日日睇都揾唔到⋯⋯⋯至少證明你唔係毒撚😚!

廣告合作: info@meeapp.com

分享:

味山田

觀塘成業街7號東廣場地下G08 舖

啱曬觀塘打工仔

一定成日都處於極高壓嘅環境咁多人一齊逼,最想嘅就係快快趣黃店林立嘅東廣場入邊,就有一間可以滿足到呢個呢個要求

滑蛋吉列豬扒飯💰50💰(7.8/10)

雖然個碗唔係好大,不過塊豬扒都叫做蓋得住晒所有飯🥳食落口下熱辣辣嘅唔係炸完擺咗全日嗰種感覺炸粉稍嫌有啲厚,入邊嘅肉都唔算話好滑,不過調味搭救滑蛋同埋洋蔥夠鑊氣,令到個炸粉就算厚得來都唔會淡茂茂覺得$50都算有交代㗎

滑蛋吉列豬扒飯💰50💰(7.8/10)

雖然個碗唔係好大,不過塊豬扒都叫做蓋得住晒所有飯🥳食落口下熱辣辣嘅唔係炸完擺咗全日嗰種感覺炸粉稍嫌有啲厚,入邊嘅肉都唔算話好滑,不過調味搭救滑蛋同埋洋蔥夠鑊氣,令到個炸粉就算厚得來都唔會淡茂茂覺得$50都算有交代㗎啦

Girls Foodies
Girls Foodies

35.7K Followers – 小PIN帶你試均黃色經濟圈

分享: