唇品 (旺角)

地址:旺角中心2樓SB07號舖

電話:N


相信大家對唇茶都唔陌生,最近佢哋喺旺中新開咗一間小食店,並唔係賣茶飲、而係台式刈包😍提供多款口味選擇,包括傳統滷肉、炸雞、黑松露薯餅、肉絲等等。每款配以唔同醬汁,見到佢哋即件即整,味道又係點呢?

轟炸雞 $32

刈包嘅包裝非常方便,完全唔會食得狼狽。裏面有炸雞、是拉差花椒醬、椰菜絲、芫荽同炒花生碎🥜刈包有輕微烤過、食落有啲似饅頭好軟熟,厚度適中。裏面嘅炸雞新鮮熱辣,重點醬汁令炸雞帶有冬陰功般香味同辣味🌶食晒成個都唔覺得好飽膩

鰻吞吞 $42

裏面係炸天婦羅穴子、鰻魚蛋黃醬、紫菜、椰菜絲、味素,帶點日式風味嘅版本。鰻魚算幾大件,炸得乾爽唔油膩,配埋紫菜有啲似食刈包版嘅日本飯團🍙不過論惹味程度,炸雞嗰款調味比較驚喜!

巧多事 $26

幾呢款係蝦膠多士,裏面仲有車打芝士,拎上手時芝士處熱溶狀態,熱辣辣🧀芝麻令多士增添口感,不過蝦膠就唔算好彈牙,比較薄身🍤

<strong>joeie_foodie</strong>
joeie_foodie

麻甩女子祖·美食插畫提案🍽 𝐻𝒦 𝒻𝑜𝑜𝒹𝒾𝑒

廣告合作: info@meeapp.com

分享: