活水和風食堂 (長沙灣)
地址：長沙灣福華街571號曉悅地下3號舖
電話：23181318
諗唔到食咩上網睇吓、見到介紹呢間日本料理小店，決定去試吓！選擇幾多元化，有丼飯、鍋物、天婦羅、拉麵烏冬、小食等等✨環境以小店來講算幾舒服，試咗以下菜式，為晩市價錢
安格斯牛肉鍋定食 $92
定食包括白飯、飲品、麵豉湯、沙律同前菜🥗牛肉鍋上枱時處於半熟狀態，不過夾起影相嘅時候已經變咗啡色，唔想變老記得早啲拎出嚟🤣安格斯牛肉份量幾多，屬於半肥瘦，雖然肉質唔係非常嫩，但牛味濃郁👍🏻裏面仲有各款蔬菜、菇菌同溫泉蛋。湯底係日式壽喜燒甜豉油，清香得來唔係甜到膩嗰種
照燒雞扒定食 $62
雞扒幾大塊同厚身，雞皮燒至金黃色🐔咬落外皮的好脆口，肉質亦滑有肉汁，唔會好肥膩。定食同上面一樣包4樣嘢，以環境同價錢綜合來講幾抵食。另外點咗份炸餃子($32)同焦糖布甸($9)，餃子皮幾脆嘅，質素正正常常冇乜特別🥟布甸見咁平所以點，嚟到先知原來係來貨😂布甸幾滑重蛋味
