父親節就嚟到，我哋精選咗5間有型有格、可以令爹啲大飽口福嘅黃店👨🏻🦱 立即跟住以下指南計劃慶祝，享用埋各種優惠，保證老豆都讚你乖！🥴
1. Fish and Chick
顧名思義，炸魚薯條同烤雞就係呢度嘅主打，菜單無太多花巧，但兩款主食絕對做到專精（Fish & Chips有成10款魚種選擇！）🍺炸皮脆簿，魚肉鮮嫩，配上一啖生啤，呀爸都會叫聲「爽啊～」
更加分嘅係一望無際嘅堅尼地城海邊景色，食得愜意，好啱黃昏嚟到，食完仲可以沿海濱散步，或者搭叮叮遊電車河，總之好適合一家人過一個放鬆嘅傍晚！
2. FAB Kitchen
食好嘢除咗去海邊，仲可以去工廈！隱世Fine Dine之選，3-5 courses menu可以試到多款精緻菜餚，極具創新獨特嘅口味
前菜「牛油粟米泡沫配加拿大海膽」，製造味覺衝擊；主菜小編推介「焗羊柳·薄荷青豆蓉·羽衣甘藍」，粉嫩5成熟嘅厚肉，口感豐富，絕對可以令爹啲驚艷 🍽️
3. 天心 Tengokoro
送支酒俾老豆？不如請佢大飲特飲，先至盡興！主營日式火鍋，兼有日本酒無限時任飲，最近仲做緊半價優惠啊～超過100款清酒、果酒、燒酌任君選擇，愛酒爸爸一定鐘意🍶
就連鍋物都離唔開酒嘅主題，「廣島蠔香檳鍋」湯底略帶酸甜酒香，新鮮海產加上堆成山高嘅蔬菜拼盤，份量十足，絕對食得開懷！
4. Zeppelin Kitchen
如果餐廳滿足唔到你想親自下廚俾爸爸嘅愛意，不妨試下呢份「熟成牛扒三合一套餐」，由你親手炮製3種熟成程度嘅美國PRIME牛扒，盡顯孝心🥩
30/45/60日嘅乾式熟成肉眼扒，各有滋味，尤其60日牛魔王，軟嫩程度令人驚喜，肉汁牛香濃烈，更有芝士同堅果幽香，極致口感令老豆大呼過癮～
5. R&N Cake Studio
一餐慶祝美饌，都唔少得一個蛋糕做點綴嘅，呢間由90後餅師出品嘅甜點，食得又睇得，精緻有心思嘅造型，選料亦好講究🍰
就好似今年父親節限定嘅「芝麻麻糬戚風蛋糕」，型格嘅金黑噴塗外層，加上超人盾章和披風，勁打卡able！內餡以香濃芝麻忌廉，配搭軟糯麻糬、焦糖合桃餅底，口感豐富，內外兼備～
唔好等啦，快啲book位！