就嚟到母親節，大家諗好去邊度孝敬娘親大人未呢～為免大家去咗美心潮江春，要俾成百幾萬食一餐（😂），我哋準備左7間精選母親節黃店推介，保證極高性價比💕
1. 牛繁
未請呀媽「返鄉下」，都可以率先品賞「家鄉味」，嚟自日本東京嘅人氣高質燒肉店【牛繁】就非常適合一家大細開心慶祝！
牛、豚、雞以至海鮮等肉材選擇繁多，選料上乘，小編就推薦佢哋嘅「澳洲上級M9和牛腹肉」，厚度和大小剛好一口，油脂比例適中，就啱曬各位靚媽喇🥩🙆♀️
牛繁推出左一個「嚴選6人家庭套餐」，有成20多款品項，包括極上和牛板腱、特上厚切牛舌，亦有多款漬物及沙律配菜，十分超值！宜家更加有Mee會員專屬嘅VIP優惠，只要出示MeeApp，套餐可享減$100蚊折扣😍
味道出色，環境寬闊舒適，又可以自己落手燒烤，係家庭樂嘅最佳選擇💛
2. 申子居酒屋
除咗燒肉，請平日辛勞嘅媽咪放鬆一下，小酌一杯，都係唔錯嘅安排🍺 【申子居酒屋】個名已經係日式料理嘅品質保證，坊間評價勁高，記得早啲book位啊
小編覺得申子嘅「ふわふわ玉子」非常值得一試，蛋糕般嘅鬆軟嫩滑口感，咸甜芝味十分開胃，嗌嚟一齊share食，一定連呀媽都大讚～
3. 人人和平小飯店
介紹完日本菜，都要照顧返鐘食傳統粵菜嘅媽咪嘅。嚟到【人人和平】唔少得佢哋嘅馳名燒味，主打嘅「新會古井燒鵝」，肉質厚實而嫩滑，皮脆肉濃，最啱鐘意舊時味道嘅屋企人🥢
其他小菜都令人好滿意，例如「花膠雲吞雞煲」，湯水馥郁，真材實料不含味精，花膠足料又夠腍，啱曬俾媽味滋補下！
4. 留家廚房
家常地道嘅同時，不失精緻，不妨試試【留家廚房】嘅手工農家廣東菜。留家有唔少第度食唔到嘅特別菜式，有啲更加要book位時就落單，記得留意喔👨🍳
頭盤「太史戈渣」喺唔少食客嘅必選，外酥內軟，淡淡上湯蛋香，好考師傅功夫；要提早預訂嘅招牌「煙燻雞」，入味多汁，都相當出色㗎
5. 無肉食
做節慶祝除咗大魚大肉，陪媽咪健康茹素都唔錯㗎，可以去【無肉食】大嘆豐富素食自助餐🥑 菜肴豐沛且味道多彩，完全唔似食緊素菜！
廚房一整晚都會更換多款菜式，天婦羅、冷盤、主菜等沒肥膩感，甜品糖水則相當清潤，啱曬注重健康嘅媽媽們
6. 徐記廚房點心
夜晚唔得閒嘅大忙人s，都唔好唔記得，朝早同媽咪飲餐茶喔🫖 唔想去藍店啲大酒樓，可以試試【徐記廚房點心】，手勢絕對唔比連鎖茶樓遜色
小編推薦佢哋嘅「點心荽餐」，傳統得嚟又有創意，絕對有驚喜！
7. Oyster To Go
最後介紹一間非常適合節慶相聚嘅西餐啦，海藍色主調嘅簡潔佈置好Cozy，晚膳氣氛一流！
叫得【Oyster To Go】，生蠔當然係主菜喇，由淡至鹹，嚟自不同國家嘅品種同價位都有，豐儉由人🦪 不論鐘意食爽口定Creamy，店員貼心介紹下，一定搵到最滿足嘅選擇。
就算唔多食蠔，呢度嘅「黑松露蟹肉意大利粉」都好正，CP值極高，快啲有呀媽嚟享受一番！
唔好等啦，快啲book位！