分類：發表於Foodie

Mee一直都推介唔同好食、高質、有特色嘅小店俾大家，而懲罰祭期間，享用豐富嘅優惠同獎賞之外，都想大家記得，黃店嘅故事同信念先係最有價嘅地方。嚟緊係懲罰祭最後兩日，今次私心推薦8間商戶，都係別具意義，值得大家一再懲罰！

荔記

由三位於荔枝角收押所相識嘅年輕手足創立，專營臺日生果為主嘅美食團購。助人自助係荔記嘅精神，除左靠小生意養活自己，三人更會抽取每個月部分盈利，用於在囚支援。「你自己俾人支援過， 好感受到有個必要，令呢樣嘢持續落去。」

荔記 商戶詳情
Hk9cake

葵涌廣場的班戟甜點店，老闆阿龍曾因參與示威被控，成功脫罪後未有忘記其他手足。約兩年間持續舉辦「限定店長」活動，將盈收分俾面臨監禁或剛出獄的手足。除經濟上嘅支持，更加係一個機會俾手足同大眾直接交流，讓佢哋真正被人認識，意義非凡。

Hk9Cake 商戶詳情
手足不散

即將面對暴動罪審訊的藝人王宗堯，一直勇於發聲，是香港人在街頭上的戰友，他跟女友一同創設同主理嘅品牌「手足不散」，推出各種自家設計的潮流單品，包括衛衣、Cap帽、行李箱等，且都帶有意義訊息，包括支持烏克蘭抗戰等。

如一

由前油尖旺區議員朱江瑋開辦，以優質選貨店結合在囚支援嘅形式經營。商品不乏香港本土出品嘅食品小吃、調料醬類等，一應俱全；另一方面，以相宜價格售賣在囚物資和平安包，甚至設立熱線服務，提供跟進服務，陪伴手足及家屬走過艱辛路途。

如一 As one 商戶詳情
同行搬屋

由前元朗區議員林進創辦，希望搬運行業可以令有案在身嘅同路人，即使睇唔到長遠事業，都可以有份彈性工作維持生計，同時互相照應勉勵。除了手足，社區也是「同行」的對象，上年他們便將移民顧客棄置嘅傢俬電器，轉贈俾基層人士，延續服務社區嘅精神。

同行搬屋 商戶詳情
西多

前西貢區議員陳嘉琳將辦事處大改造，變成為西貢人而設嘅小士多兼聚腳點。堅拒大陸貨只係基本，西多的商品大多係本土出品，甚至係西貢或離島original。店鋪亦有不少來自街坊的二手物品，更會舉辦手製工作坊或回收行動，滲透著環保精神。

西多 商戶詳情
獵人書店

前沙田區議員黃文萱相信，喺香港巨變嘅時代，我哋更加要學習不同嘅思想知識、外國經驗，同時要有空間去穿梭幻想、瞭解自我。由佢開設嘅獵人書店，由社會、政治主題讀物，到各種小說漫畫都有，每個月更會因應時事策展，喺社區中嘅思想綠洲。

獵人書店 商戶詳情
無名士

被控暴動罪嘅Mary，本來只是一名普通女生，因一次遊行被捕更被警察打到頭破血流。後來同一班志同道合創設黃店平台無名士，希望讓更多低調的小商戶被認識，同時設「撐手足零食包」，將營業額用於支持其他有法律需要嘅手足。

無名士 商戶詳情

今次撰寫推介嘅過程，小編都回顧左好多上述黃店嘅起源同故事，再次感受到好多黃店嘅用心同唔放棄。「好食還好食，良知還良知」，小店們都要不斷提高質素，更重要堅持初心，一齊努力。

(知道仲有好多有心小店，未能盡錄，歡迎同我哋分享你嘅故事💛)

分享：

有 “ 22 則迴響 ”

發表迴響

%d 位部落客按了讚：