【Mee 2022年回顧】

2022對於香港人嚟講肯定係難熬嘅一年，疫情反反覆覆、防疫政策就朝令夕改，而食肆就喺動輒停堂食14日、多間香港人熟悉嘅小店，甚至百年老店相繼結業……

而喺呢段咁難捱嘅日子，我哋一路營運「Mee Rewards」呢個獎賞計劃，從中支持有用App嘅Mee會員同小店。呢一年嚟，我哋不斷邀請更多商戶加入Mee，同時亦努力為大家帶來更多換領禮品，推動大家建立懲罰小店嘅習慣，希望藉此提供小店競爭力！

雖然我哋嘅規模同大財團肯定無得比，但至少我哋可以好自豪咁講，由一年前到依家，Mee已經派發咗接近5,000份、總值超過$200,000嘅獎賞！

你可能會問「咁多錢邊度嚟？」

除咗有小店慷慨贊助，其實都有賴大家幫手入App睇廣告同網購，讓我哋有能力自掏腰包購入現金券派畀大家。

因為Mee相信，喺咁艱難嘅環境下依然獲得大家嘅懲罰，即使唔能夠100%回饋同路人，亦希望做到99%！

喺呢個年尾，政府終於宣佈廢除疫苗通行證同埋安心，種種煩人擾民嘅政策叫做告一段落。聽日就係新嘅一年，面對武肺又再變種、中港全面恢復通關，或者香港依然會畀各種陰霾籠罩住。但無論點樣，Mee都會繼續做好個App，希望香港人可以陪Mee撐落去。