願榮光，一間為同路人堅持嘅咖啡館💛
【願榮光咖啡館】
店址｜上環必列者士街31號地庫
呢個時勢要撐落去真係唔容易！不斷有人上門騷擾，例如警察，食環，消防，控煙辦等，但佢哋仲努力堅持住！
精品手沖咖啡☕️
呢到嘅手沖咖啡非常出名，店主介紹左呢隻哥倫比亞嘅豆，飲到好正嘅士多啤梨果醬甜味，有啲紅酒香，仲好順滑，同以前飲開嘅係兩個層次！
聽完講解仲好似上左一堂咁，感受到咖啡師嘅專業同熱誠！
香印提子梳打💚
天氣悶熱，香印提子嘅清新果香，加上透心涼梳打🧊，飲一啖，疲倦bye bye～
有「葡萄之王」美譽嘅巨峰提子真係世一！
果肉飽滿好似啫喱咁煙韌Ｑ彈，輕輕一唧就爆汁直滑入口～仲有個巨峰塔係上面，未飲先醉呀🤪
外表精緻嘅小飯團🍙，之前有粉紅粉藍色，宜家出埋新口味，係金黃同粉紫色呀！
極權打壓從來都無停過，但佢地都無畏無懼，剩係呢點都值得我哋大力支持啦！