專訪發仔：兩度入獄 承擔自己選擇的命運
「好似變咗condom？我又無呢種心理。
連潤發(發仔)
人生所有嘢，所有決定都係你自己負返責任，
承受嘅命運都係你自己嘅選擇。」
因旺角騷亂和營救理大暴動罪成兩度入獄近六年 上月出獄
連潤發，發仔，訪問當日他在葵涌廣場一家黃店做一日店長，與他並肩走過葵廣和新都會，驟眼與其他人無甚分別，但不少細節看得出他有點格格不入－例如在進餐廳前對不太適應的安心出行搞了很久；一碟普通的意粉他會感恩，「食咩對我嚟講都係好食，因為入面食嘢無味㗎嘛」。
用發仔自己的形容，他是「冰封」後解凍，重新進入這個叫香港的社會，過去六年，他絕大部分時間都在監獄渡過，到7月20日出獄，「嗰日我生日，32歲。」
發仔和香港的故事始於他大約八、九歲從深圳來港，之後的發展本頗為平凡，一般的升讀中學、大學，稍有點顛簸的是在大學一年級退學後，學日文考了N1合格，之後在日本公司打工，本來算是個平凡的打工仔，直到佔領運動爆發，燃起了發仔心中一團火，「可能因為我由細到大，對是非黑白比較介懷…中學做班長，有人做錯呢，會好強硬要佢改。」
「本來大個個人平滑咗好多，14年睇返啲新聞，個心可能又著返。」
這也許也是很多香港人的心路歷程，只是發仔走得更前，2016年大年初二發仔參與「魚旦革命」當場被捕，「嗰時心諗，可能告襲警、非法集會，點計都（坐）少過一年啦。」
「都幾天真，後尾先知係告暴動，我聽到暴動，講笑咋？諗住應該好難告得入啦暴動。」
當時作為近代頭幾宗暴動案，發仔並無認罪，律師嘗試從法律定義抗辯，「因為前面無案例，嘗試企喺個位想守住啲嘢，唔想開咗個先例影響後面嘅人。」2017年8月7 日，發仔暴動罪成判監三年，刑期本來到2019年7月，但因為「釋前就業計畫」，發仔提早當年3月假釋。
「個 timing 真係啱啱好。」
2019年3月，剛從第一次「冰封」解凍的發仔，對過去幾年的社會發展所知不多，「好似某一套戲，我原來一直無睇過，嗰套戲係好標誌性㗎嘛。」發仔所指的，是紀錄片《地厚天高》，但假釋的時機讓他遇上反修例運動的序幕，碰巧能與其他香港人完全同步，「叫佢撤回又唔撤回，成個流程係見到。」
假釋後 8 個月，發仔再次被捕，2019年11月18日，營救理大期間發仔在油麻地橫街被捕，再次暴動罪成判監4年，令發仔成為至今唯一一個兩度暴動入獄的香港人，「其實係好好彩啦已經，如果唔好彩，分分鐘判監六、七年都唔出奇。」
發仔也知道自己的情況很特殊，如他這般16年暴動入獄的人，能「趕」得上在 19 年出獄本已不多，再次上街的人更少，「有啲人16年之後就無再出嚟，佢自己親口同我講，經歷完 14 年 16 年佢夠啦，唔想再出，呢個係普遍啲正常嚟講。」
這是發仔無法迴避的命運嗎？
發仔說他不相信宿命，獄中前後近六年他看了不少佛學的書，「或者好似佛教講業，係順流心態去對待，由你嘅業做決定。」決定、選擇，發仔一再強調。或許 16 年的參與比較還較即興，19 年就絕對是他個人意向明確的選擇，「16年原本我哋係想守到天光，諗住天光啲人就會嚟，會唔返工咁嚟，旺角變返佔領區，係咪好天真。」
「19年你好明顯feel到，而家好似突然之間嚟多一次，而且今次係嚟真嘅…你一定會諗，好似要拎返，個天跌落嚟呢個scene。」
轉眼間三年過去，發仔再度從「冰封」中解凍，但這次的衝擊遠比三年前大，「硬著陸，因為你係最高氣氛嗰時入去。」
當發仔再踏足社會，一切顯得很平靜，有別於19年出獄，社會事實上未有因16年的衝擊留下太多痕跡，2022年夏天，香港是一種「清醒狀態下冷漠」，「個個都醒但係抑壓住，合埋眼但係無瞓著嗰種感覺。」
這種發仔認為是詭異的氣氛，是一種深植社會的寒蟬，「我第一日出嚟，接我放學啲人，講到啲比較爭議性嘅嘢，就會話『唔好喺公眾地方講』，我從來無經歷過咁嘅香港。」
一直身在其中的人，未必能深刻體會到這種變化，而是慢慢適應，但發仔完全不同，「我係好似個冷凍人咁，突然之間淥熱水落冰咁，醒咗」，這是重回社會後，發仔面對的現實－運動落幕，社會一片死寂，「好似變咗condom？我又無呢種心理。」
「坐監對我嚟講，好大得著。」
26歲到32歲這六年幾乎都在鐵窗後渡過，發仔認為這給了他空間閱讀、思考，讀佛學、哲學，慢慢形成一種價值、信仰，可以面對、發掘自我深處，自己想成為一個怎樣的人，「你跟住行，個人就會活得安樂、自在。」
「從某個角度講，的確係傻更更。」
反芻自己的過去的經歷和選擇，發仔沒有後悔，他設想若果自己平順地工作生活，「可能月入都4、5萬」，但他不會有機會成長，「活得出一個你想活出嘅自己，一個你唔會鄙視嘅自己。」
展望將來發仔說可能到外地，不是因為放棄或覺得在香港活不下去，而是希望人生有另一次「break through」，但目前他仍然想留下，「會想同大家同一個時空呼吸，一齊感受呢種低壓，我係好樂意去embrace呢種苦。」
「呢種苦係成長嘅養份。」
成長，是發仔認為牢獄最大的得著，他亦希望香港人成長，認清以往的幸福其實只是《美麗新世界》，是被關在溫室的「人工幸福」，「呢個溫室爆咗，（政府）策略都改咗，用殘酷環境打壓你，呢個先係真實。」
發仔認為，若果真心相信當日運動的策略和價值，現在的苦其實理所當然，「你預咗㗎嘛，咪去接受、面對，但係都要記住，呢個係共業」，而作為業的一份子，發仔從來不覺得被捨棄，所以亦不認為，其他人要有償還、贖罪的想法。
「喺亂世之中，堅強咁面對，先係我想見到嘅香港人。」
