天天烘焙
Daily Bread
近年推出的月餅口味愈來愈新奇（小編見過最癲嘅喺花膠月餅🫢），反而想找回傳統味道，又想支持良心小店的出品，選擇就不算太多。
幸好仲有西環嘅街坊小鋪「天天烘焙」推出雙黃白蓮蓉，令大家唔需要幫襯連鎖店的大陸工場製貨，仍然可以嚐到小時候嘅口味😋
糖漿餅皮清甜而不膩，蓮蓉內餡飽滿且口感軟滑，加埋蛋黃鹹香濃郁，簡單嘅經典配搭，最有過中秋嘅感覺，令人回味無窮。
如仍怕甜度太重，亦可試試紫薯🍠、豆沙🫘、土鳳梨🍍等其他餡料，滋味豐富又甜得更自然輕盈～
月餅出爐一刻，老師傅笑逐顏開😄，小編就問，月餅是不是剛出爐最好食？師傅反而話月餅要放置一段時間，待「回油」之後，才最美味。
「回油」即是指月餅皮吸收餡料水份油份後，變得柔軟油潤，口感提升。要做到這點，糖漿和麵粉的選擇都要講究，最重要是做到餡足而皮不能太厚，大有功夫！
「天天」嘅每一件月餅，從搓皮、壓模到烘烤出爐，都在自家小店餅房製作。風味至包裝都樸實而絕不失禮，充滿本土小餅家的真摯用心，最適合尋找舊時美味跟家人溫馨分享的你。
雙黃豆沙、雙黃紫薯，雙黃黑芝麻、雙黃芋泥
Mee網店尚有更多其他品牌款式的月餅、中秋賀禮選擇 👇