他們在中大校園 留下一個個小民女🔥
「我哋喺中大校園，放咗 32 個小民女像，俾同學搵，地點係專登揀，大學圖書館入面講六四嘅書附近、中大學生會、新亞學生會、圓形廣場上面嘅自由論壇等等。」
「有啲嘢，唔可以淨係留喺心入面，要同現實世界有聯繫，將諗法 visualise 出嚟…承載住記憶，令佢唔會被時間沖走。」
「初衷都係傳遞希望，話俾人聽，有燈就有人…原來呢樣嘢仲喺度，仲有人喺度。」
「點會做咩都無用，你做咗一啲嘢，一定有影響，係你唔知架咋。」
「你話呢件事打飛機？打飛機咪對自己有用囉。」
尋找民女發起人、中大學生 Luna、Raven
過去一年，這城市經歷了一場記憶大清洗，支聯會解散、領袖身陷囹圄，港大國殤之柱被拆毀、太古橋大字變成花槽，而在中大，民主女神像消失，六四屠城三十三年，香港一片死寂，但仍然有人在想在漆黑中，點起微弱的燭光。
今年 5 月 31 日，「尋找民女」的 IG 悄悄在中大人之間流傳，「2021 年嘅平安夜前夕，我哋唔見咗中大民女」，然後連續四日，他們在中大校園各角落，擺放了 32 個十厘米高，立體打印的小民女，「就算守唔住廣場上嘅佢，我哋都想將呢份記憶傳承落去。」
發起這個活動的，是中大學生 Luna、Raven（化名），另外兩名未有受訪的成員，以及中大民女創作者陳維明在內十多名協助者，「尋找民女」透過圖片、紀錄，盡力還原民女的面貌，以立體打印一個個小民女，「即使唔係完全一樣…都盡量做緊無限接近佢嘅嘢…最重要唔係舊石、舊水泥，係佢個形態，同埋佢承載嘅嘢，大家信佢係佢就係。」Luna 說。
民主女神像，是八九民運抗爭象徵，三十多年來在維園被港人的點點燭光照亮，但自其中一座民女在 2010 年 6 月 5 日起，由 2000 師生市民護送進入中大以後，她對代代中大人而言，帶著更深廣的意義。
「好多學運事件都同佢有關，唔一定社運，甚至 Gay pride 都有彩虹旗掛喺民女上面…佢係獨一無二嘅。」Raven 說，過去這十多年，民女已成中大地標、中大人的日常，「民女等呀，好過話大學站廣場 A 出口，所有新生入到嚟，都會第一眼見到民女。」而對 Luna 而言，民女的記憶來得更個人，「試過同莊員喺𠴱度傾計，因為民女有個座，我哋就會好安心坐喺度傾計。」
Luna 說，過去當民女一直存在，沒有人特別去告訴她，民女背後承載的意義和價值，甚至她自己都沒有和民女影過一張合照，「會覺得佢唔會消失，永遠都會喺度，點解特登要去打卡呢？」
但原來這些以為理所當然的事物，會突然消失，2021 年 12 月 24 日平安夜，Luna 正和朋友歡渡佳節，但前一日港大凌晨偷偷拆走國殤之柱已帶來不安的預感，「死啦我哋係咪應該瞓喺民女，有同朋友講過」，後來傳出高層消息指校方不會有動作，她打消這個念頭，結果一覺醒來，民女已成歷史。
「佢消失亦都係好諷刺緊我哋日常，就係一切不斷消失。」Raven 說。
提起那個平安夜，Luna 和 Raven 形容是「偷」「搶走」，有如這城市的記憶和悼念的權利，都被搶走，「佢喺你身上奪走一啲嘢，你咪搵方法去重奪。」Luna 解釋，而他們的方法，是在六四三十三年的一片死寂中，讓中大人重新尋找民女。
結果同學的反應比他們預期更好，他們第一個 IG post，有差不多 3000 like，不少有心的同學，連日苦苦追尋民女的身影，「見過夜晚嘅時候，有個人踢住拖，短跑速度咁奔向放咗民女嘅地方，然後收到佢 message 話，『呀我終於搵到啦！』。」
但時移世易，當前高壓下，即使只是做一個類似中大傳統「CU Hunt」的學生活動，都要考慮風險，若校方要追究總有方法，深思熟慮後他們仍選擇行動，「係咪下下都要活喺紅線底下，咩都自我審查？我好厭倦自我審查，活得好唔光明磊落，所以呢個風險係我要承擔嘅。」Raven 說。
當然避險的想法他們也有，所以訪問要匿名、事前要在校園踩點、擺放時要避開天眼和保安，但他們亦希望，尋找民女這件事能讓更多人知道，所以當收到採訪邀約時一口答應，「佢一定要係一個地上活動，唔可以係地下。」Luna 說。
「話俾人聽，有燈就有人，好似公義， must be seen to be done，要 show 俾人睇，原來呢樣嘢仲係度，仲有人喺度。」Raven 說，他們的初衷除了守護記憶，亦是傳遞希望，不過事實上，在多達二萬人的中大校園，放下 32 個小民女，他都知道是微不足道，甚至有些自我陶醉，「打飛機成份都重架，但正正咁離散嘅時候，更加要打飛機…呀，係要凝聚返大家。」
「打飛機都有益身心健康。」Luna 插咀說。Luna 在訪問中提過好幾次，社會是由個人組成，社會的改變源自個人，所以即使是自 high 也無妨，最少可以令自己滿足，「係應該活得開心，即使佢想你好唔開心…不斷將你壓低，你要聽佢講、服從，其實你個人係會不斷沉，佢想你跌，我哋就要上返去。」
而且在他們心中，從來不認為尋找民女是無用功，亦不認同「做咩都無用」，「你做咗一啲嘢，一定有影響，係你唔知架咋。」Luna 這些天，經常收到同學發給他們的訊息，分享找到民女的喜悅、找不到的失落，也有同學告於她，會將「領養」的小民女，好好放在書桌上，「佢話好多謝我哋， 話對佢嚟講 it means so much…即使係好小人，但喺我眼中，係一個一個人，one by one 嘅感覺。」
「你話呢件事打飛機？打飛機咪對自己有用囉。你理得我呀？我想做就做㗎啦。」Raven 說。
