🚩社民連黃浩銘出獄：留在香港 同戰友繼續努力

社民連前主席黃浩銘，被控 2019 年 10 月參與組織非法集結，判監 14 個月，今早刑滿出獄，他表示過去一年香港變化急劇，在此艱困環境下，他會繼續留在香港，「希望同過去既戰友一齊繼續努力，為香港民主同社會公義奮鬥」。

黃浩銘今早離開塘福監獄，大批黨友及親友到東涌港鐵站外迎接，他見記者時先感謝太太一直支持，「佢都真係好辛苦，一定要多謝佢」，亦感謝社民連仍然堅持理想的黨友。

他表示過去一年香港變化好大，他入獄前民陣雖然已解散，但仍有支聯會、職工盟，《立場新聞》和《眾新聞》等，但現時「我講嘅團體組織都無晒」，社民連街站亦經常被阻，但他相信 2019 年每一個香港人的經歷感受無變，他在芸芸政治犯中屬「好運個班」，因刑期相對短，「我無咩資格講啲咩」，只稱他會繼續留在香港繼續努力為民主、社會公義奮鬥。

他又指香港環境愈來愈困難，但重要的是內心自由，即使他之前身在牢房，內心仍然有自由選擇如何過日子，「我係自暴自棄，定係多讀書多操練自己，係我哋嘅選擇」。

他指自己在獄中輕了十公斤，身體狀況良好，出獄後第一件事要做就是與來迎接他的朋友飲茶，他又引聖經金句，「我們行善，不可喪志，若不灰心，到了時候，就會收成」，相信種下的善行會得到善果。