藍奕邦感言：堅持為香港人製精神食糧🎶
圖片來源：The Show Must Go On 片段截圖
唱手張敬軒 16 場演唱會連日在紅館舉行，昨晚嘉賓是曾久休、近半年復出的藍奕邦，藍奕邦指，復出以來戰戰兢兢，「我唔知香港嘅觀眾，仲需唔需要藍奕邦，仲想唔想聽我唱歌」，但他認為作為在香港樂壇工作的音樂人，在現在港人「好攰、好難過」的時刻，有責任「做一啲精神糧食，畀大家捱過呢段難過嘅時候」，他希望自己做好本份的同時，香港人都在自己的範疇盡力，「香港人先可以繼續努力行落去」。
「所以我哋大家一齊加油好無呀？」
藍奕邦昨日以嘉賓身份上台後，指自己已經有 8 年沒有上過紅館舞台，亦是第一次擔任演唱會嘉賓，他代表所有觀眾感謝張敬軒，「因為你無忘本」，指張敬軒很清楚他得到的成就，「係咩人、邊度嘅人、同埋邊一個地方畀你」。
張敬軒就回應指，他覺得很高興，稱自己在香港灌注了 20 年青春，「多謝觀眾同歌迷話我知，你哋無忘記我」。
藍奕邦之後指，自己近半年復出，一直都「有少少戰戰兢兢」，不肯定香港嘅觀眾是否還需要自己，但他作為一個在香港樂壇工作的音樂人，在現時這個奇怪、特殊的時刻，不少人都感到「好攰、好難過」，更需要精神支持，令他復出多出一重意義。
他指自己「可以舒舒服服留喺加拿大，間中 send 吓 demo 返嚟」，但他覺得「唔得囉」，即使香港樂壇不需要自己，他都有責任製作音樂作為精神糧食，「畀大家捱過呢段難過嘅時候」，希望他可以做好本份，亦希望所有人在各自範疇做好自己，所有香港人先才可以繼續努力走下去。
