📣2022五一懲罰祭，決定舉行！
活動將喺5月1-8號舉行，今日起商戶可以開始報名
我哋會陸續公佈更多玩法，不過有3點想話俾大家知先：
1️⃣ 黃店獎官選舉 無錯，呢個就係今年懲罰祭嘅主題🗳 一人一票，絕無欺場，敬請期待！ 講明先，呢個純粹係黃色經濟圈嘅營銷宣傳活動，俾香港人表達對小店嘅支持，同其他機構搞嘅任何選舉（尤其大部分香港人無份嗰啲）絕對無關㗎～
2️⃣ 參與費用全免 去年懲罰祭，我哋都有要求商戶幫手分擔舉辦成本；我哋知道受疫情困擾，好多小店水深火熱，所以今年Mee會免費向所有參與鋪頭提供文宣，全自資舉行活動，無需黃店們再出一舊錢
3️⃣ Mee分倍乘 同樣，時勢艱難，唔係所有店家都有能力提供到折扣，今年我哋不會強制商戶提供優惠，更會為全線MeeCode作分數倍乘，各位Mee會員就可以更容儲分換獎賞～ 當然都歡迎商戶按自己能力，提供更多吸引嘅優惠，讓香港人喺漫長嘅防疫寒冬後，一齊食得開心買得開心😉