
✨ 花見山下 ✨
地址: 西環順泰大廈地下1號舖
電話:98564890
喺西營盤嘅街坊小店,入到去勁多家庭客,好有舖仔嘅warm warm感覺🥺熟食炸物壽司都有,大人細路都有嘢啱食!
我哋今次叫咗:
▪️花見十貫 $268
▪️鰻魚玉子燒 $68
▪️豆腐雜菜鍋 $88
▪️明太子雞翼 $48/2隻
去到見到餐牌咁多版,真心選擇困難,店員推薦玉子燒、鍋物同壽司拼盤。諗住呢啲街坊舖仔,壽司質素都係普普通通,結果係好過預期好多😂

壽司飯已經有搽豉油,唔洗再額外點。壽司size偏細,同壽司郎嗰啲差唔多大細,拖羅好厚肉好甘香,海膽好鮮甜無腥味!

金線鯛第一次食,肉質幾彈牙,仲有油甘魚專登配上柚子醬,夾埋唔怪之餘仲吊出魚嘅鮮味~
明太子雞翼都係正嘢,勁飽滿塞到爆嘅雞翼,外皮好脆而入面熱辣辣,鹹鹹香香加上雞翼嘅油脂,口感100分,好想encore!!
鍋物同玉子燒就一般般,食完無乜記憶點。鍋物嘅豆腐有炙燒過幾有心機,但湯底無乜特別 ,就係好似屋企自己都煮到嘅咁~
玉子燒比較老,似煎蛋多啲,鰻魚亦有唔少細骨,見其他啲相係好滑⋯可能師傅嗰日心情唔好( ゚д゚)?

整體嚟講係窩心嘅日式料理小店,住附近/HKU同學仔可以一戰,午市仲有平!