壹.01 台式料理

地址：觀塘駿業街56號中海日升中心2樓D號舖

電話：53697868

觀塘除咗塞車，仲有…新開嘅台式餐廳💖環境頗光猛企理，店員好好禮貌，更提供免費wifi～主打手作魯肉飯、排骨便當、台式蛋餅同特濃零冰芋泥鮮奶🥛🍖食物款式幾多，好容易有選擇困難症😂餐牌寫到所有菜式都無味精及鬆肉粉。下午茶及晚市全單9折

💕芋泥肉鬆脆皮麻糬蛋餅 $35

最推介嘅小食，係阿祖近期食過最好食嘅台式蛋餅🍳首先賣相幾靚仔，有啲似壽司軍艦～蛋皮夠薄身有層麻糬夾住、脆口得來帶點軟糯口感。蛋餅包得挺紮實，夾起都唔會散開！裏面包住滿滿芋泥同肉鬆，芋泥幼滑creamy唔會太甜，不過芋頭味就唔算好香🍠反而肉鬆有驚喜，處理得夠乾爽有鹹香🐷

• 

• 

💕風琴豆腐牛肉飯 $55

除咗風琴豆腐、仲有得揀薑蔥、椒蔥、香蔥紫菜。牛肉份量幾多，雖然脂肪比較多，肉質算軟淋入味，而且都夠汁送飯🐮風琴豆腐亦索咗醬汁味道！跟餐可以半價點特飲，試咗雙檸冬瓜茶 +$17 及 零冰手作芋頭鮮奶 +$19，冬瓜茶味道較甜，芋頭鮮奶值得一試，芋泥夠多

• 

• 

💕特盛椒蔥排骨便當 $75

呢碗飯超多餸，除咗排骨仲有鵪鶉蛋、台灣腸、鹵麵根、酸菜、鹵花生、大量椒蔥同櫻花蝦🍱排骨大大塊外層香脆，不過可以冇落鬆肉粉嘅關係，所以肉質唔算特別淋，幸好亦不乾身！配菜真係夠晒多，幾滿足～

💕酥炸花枝丸

$15/3粒 餐廳提供多款台式小吃，其他仲有蜜汁台灣腸、手撕雞、芋泥球、餃子等。花枝丸嘅丸本身質素不錯，裏面食到一粒粒花枝