616牛肉火鍋專門店

地址：紅磡民泰街27-47號黃埔新邨J,K,L座地下B2號舖（尖沙咀 元朗 西營盤 大圍 大埔 銅鑼灣 太子 旺角 馬鞍山 新蒲崗 天后 長沙灣 北角 荃灣 大角咀 西環 都有分店）

電話：90348857

入秋又係打邊爐嘅季節🍁呢間火鍋多區都有分店，今次幫襯係黃埔店！之前上網睇，見全線提供午市$78一人火鍋套餐，星期一至日都有，決定去試試～午餐試段唔算多人，坐得鬆動。一人火鍋包自選湯底、肉類、火鍋配料及主食，均一價$78，追加正價餐牌食物8折。究竟質素係點😗？

💕獨樂樂小火鍋 $78

• 

• 

• 

• 

🍲火鍋湯底及主食

4款湯底選擇，揀咗鮮牛油麻辣湯、熔岩沙爹湯，另外仲有理想點“鮮”、青花椒辣湯。鮮牛油麻辣湯冇想像中咁油膩，但辣度強勁愈煮愈辣，味道都幾香🌶沙爹湯亦頗為濃郁、質哋杰身，花生味比較突出，但阿祖略嫌唔係好夠鹹🥜主食可選公仔麵、手打烏冬或白飯，公仔麵最夾沙爹湯，而烏冬算煙韌、唔係粉頭烏冬

🐮肉類

同樣4選1，包括俄羅斯封門柳、俄羅斯金花趾、牛駝峰或滑尾龍，就咁睇名唔知係咩😂金花趾為牛前腿嘅肌腱，屬最彈牙部位；牛駝為牛朴肉後端頸背間嘅肉，油香肉味平均，間中帶幼筋；滑尾龍係牛後腿肉，脂肪少肉味較濃🐂同朋友揀咗封門柳，脂肪最少但肉質鬆軟不易韌，雖然份量唔算多，但質素有水準

🥬️火鍋配料

以下7款火鍋配料全包，有牛丸、貢丸、帆立貝、蛋餃、蜂巢豆腐、金菇、娃娃菜。配料份量正常每樣1-2粒，真係用返夜晚打邊爐啲料～比較好食係帆立貝同蛋餃

💕英國安格斯牛前胸肋 $46

原價$58八折後$46～唔算好大碟剛剛好2人share，睇落冇乜肥膏，食落肉質比想像中滑，想食多啲肉不妨嗌多一碟