Black Coffee (旺角)

地址：旺角廣華街3號地下3號舖

電話：27960082

呢間Cafe相信唔少朋友去過，作為遲來的小鳥都同大家介紹吓🤣店舖以黑色為主、帶點型格嘅設計，除咗主食咖啡仲有多款甜品，例如梳乎厘班戟、提拉米蘇、麻糬窩夫等等✨阿祖星期日12:45去到竟然冇乜人，唔使等位入得去🤪去到1:30左右就要排隊了，唔想等嘅記得早啲！

💕手打牛肉原隻大啡菇漢堡配薯條 $138

漢堡價錢其實幾貴，幸好質素值得！首先漢堡包夠晒香脆，輕輕烘過有牛油香味🍔大啡菇咬落有汁，手打牛肉漢堡扒肉質夠實、保留少少牛肉粒粒，仲食到香料嘅味道。薯條亦外脆內軟，呢個漢堡真心有驚喜，可以去到西餐廳質素

💕髒髒Tiramisu $68

之前喺唔少Cafe都食過類似嘅提拉米蘇，呢度嘅外型的確唔錯，除咗咖啡朱古力粉、仲有威化餅、朱古力醬、Oreo碎🍪食落酒味偏重，蓋過咗咖啡味道，唔鍾意酒味嘅朋友可能會麻麻哋。幸好忌廉夠香滑

💕自家製青蘋果拖肥金寶醬日式梳乎厘班戟 $98

原本喺OpenRice見到班戟係用平扁碟裝住，而家換咗高碟、班戟亦搭起咗，賣相相對冇咁靚🥲🍏 梳乎厘班戟本身幾鬆軟夠濕潤，保留空氣感同少許Q彈口感，亦有蛋香🥞但蘋果將就冇想像中咁香濃，比班戟本身嘅味道搶咗。碟底有唔少金寶脆粒同蘋果肉。整體而言食物比想像中有驚喜，不過價錢就貴咗啲，兩個人每人埋單$218