Re-U 食乜好！
組聚、生日飯、Re-U、同事Team Lunch⋯每日都有十萬個要諗食乜嘅機會，唔想跟同學/同事食藍店，咁就要率先畀suggestions 😎 ！
1️⃣ 東南亞菜
食泰菜又平又可以開心share！旺區都有唔少黃店選擇～位於佐敦嘅泰瀛，呢度嘅豬頸肉真係好撚正⋯差啲就忍唔住encore多碟😭佢係斜切、有厚度，一咬落去軟腍得嚟個邊係脆，甜甜哋微帶肉汁，全港數一數二豬頸肉應該都走唔甩！
炸蝦餅唔會太油膩，薄炸皮入面係彈牙嘅蝦膠，點埋甜甜酸酸嘅醬係ichi ban～✨🤩 其他菜式推薦燒牛肉同燒雞，炒粉麵飯就正正常常冇乜特別。
店舖資料
✨ 泰灜✨
📍佐敦吳松街141號地舖
⏰ 星期一至六 1200-1500 1800 -2300 (星期日休息)
2️⃣ 港式小炒
組聚點可以唔食大牌檔！坐低洗碗dem翻個食飯beat先過癮🤣 呢度仲可以用戰鬥碗飲啤酒，敬翻上莊一杯先🙏🏻
咕嚕肉脆皮肉半肥瘦帶爽口，肉餅厚度啱啱好，咬落非常腍身，但唔會有肥到好油好嘔心嘅感覺，亦唔會好似點心鋪嗰啲肉餅咁實的的，完美地平衡。混入冬菇、馬蹄粒，口感多咗層次，調味亦恰到好處，唔會鹹到要飲水。唯一挑剔係隻鹹蛋無蛋黃香！🥲
店舖資料
✨ 大排檔小炒✨
📍 銅鑼灣駱克道華發大廈地下A號舖
📍 灣仔天樂里2-4號號地下
⏰ 1100－1430 | 1730－2230
講大排檔點可以唔提楚撚記！相信大家都記得佢之前贊助方皓玟演唱會🥺✨ 食物質素好有保證，長期人氣之選！
黃金九肚魚好好食！😍流沙蛋黃醬好甘香，一啖咬落先係個口被蛋黃漿住，九肚魚滑到好似豆腐咁完全唔駛咬，好肥⋯⋯你由我啦
再嚟多幾個爆血管系列，七味椒鹽豆腐好滑，椒鹽味都幾夠。椒鹽鮮魷個炸皮超級超級薄，鮮魷唔會過韌，網上有人話覺得椒鹽味唔夠，我覺得還可以，唔係鹹到痴線咪幾好。不過留意返92蚊真係有啲細份😭
西檸煎軟雞個汁酸酸甜甜幾開胃，但可以再多汁啲，10大件雞幾厚肉，係比一般茶記靚嘅塊嘢，朋友好鍾意，不停話好食☺️但我就覺得個皮較厚，肉質可以再做得好啲，未算好好食🤔臨尾每人免費一客蕃薯糖水，超有薑味，飲完即刻唔寒涼，蕃薯都好綿。
店舖資料
✨ 楚撚記大排檔
📍 荃灣川龍街118號百悅坊地下-1樓
📍 土瓜灣馬頭圍道187號地下2及4號舖
📍西環日富里百好大廈地下1號舖
⏰ 1730－0300
3️⃣ 西餐
當有人問要唔要去Pizza黑⋯你可以好瀟灑咁同佢講：呢啲閪嘢我唔_食！要食就食Mother of Pizzas!平日都要排一段時間，要有少少心理準備！
每兩至三個人可以share 一個13吋薄餅，大家要睇住份量係唔好做大晒鬼啊！
最期待嘅香蒜芝士焗麵包，果然係招牌嘢！趁熱食芝士仲係拉絲，入口外脆，麵皮底煙韌有咬口，有啲似pizza maru嗰種薄餅底！老實講蒜味唔係話好濃，主要都係啪芝士😂
薄餅驚喜度無咁高，但的確係比出面嘅連鎖品牌高質，餅皮外脆內鬆軟，仲要用新鮮菠蘿，酸酸甜甜夾埋辣辣哋嘅醬汁同香腸好有層次！
店舖資料
✨ Mother of Pizzas ✨
📍 銅鑼灣禮頓道13-19號地舖
⏰ 1130-2200
