✨ 何車車仔麵 ✨
地址： 太子界限街41C號長勝大廈地舖
電話：94548789
終於試到呢間人氣長龍店😭果然名不虛傳！餸同湯底同樣極有心思，而家舖頭只有7個位，所以等位時間較長，期待老闆第時會搬到大舖✨
▪️ 何車雜菜($15)/豬軟骨($15)/豬頸肉($15)/溏心蘿蔔($11)/蜂蜜紅棗茶($12)
▪️ 蝦籽撈麵($15)/唐揚炸雞($14)/腩肉($15)/媽媽水餃($15/3粒)
平時嗌菜底都係頹頹又黃甘甘的生菜，呢度竟然有雜菜揀，西蘭花、娃娃菜同菜心都係鮮甜😭
我叫咗腩汁+鹵水汁兩溝微辣，湯頭入口係甜中帶辣，有浸淡淡嘅陳皮同八角味，係好有層次嘅味道，飲完仲唔會頸渴😭
腩肉好撚好食，係鬆化嘅三層腩，好似食燒肉嗰種入口即溶。豬軟骨有4嚿，軟骨炆到腍一腍。
炸雞個皮係咔咔聲咁脆，同元朗御麵有得fight，忍唔住encore咗個小食～
溏心蘿蔔好甜好入味🥺蝦籽撈麵唔算好油、麵有咬口，但就唔係話好香口。
車仔麵成日畀我嘅印象就係一係餸ok、一係湯ok，我都明嘅，大佬咁多樣餸，點做到樣樣皆精？
但呢度真係話畀你知mission is possible🤯！好有心做好食物嘅餐廳，希望大家多多支持，支持到佢哋開大鋪😭🖐🏻
