囍源古早蛋糕 (深水埗)

地址：深水埗北河街123號地舖

電話：26699888

古早蛋糕店近年成巷成市，但💛真係萬中無一！呢間開業一年多嘅小店，除咗鬆軟蛋糕，仲有滿滿人情味❤️密密麻麻嘅餐牌標示近百款口味，特別嘅有薄荷朱古力、泰式奶茶、黑糖薑、榴槤咖吔等，講得出嘅味大多都做到，有特定口味想試記得提早2日預訂！每日賣剩嘅蛋糕更會捐比深水埗明哥，轉贈有需要人士亦蛋糕保證每日新鮮，出示醫護、學生或長者證有折扣優惠😄買兩件以上仲提供免運費全港地鐵站交收服務🚆

• 

• 

• 

好多人都有疑問，「古早味」蛋糕即係點🤔？傾計時老闆竟然話、邊有人知古代蛋糕喺咩味😂原來古早蛋糕係由歐美傳到日本再去台灣，台灣人用咗古老做法－水浴法(蒸焗)去處理，因而命名。正統古早蛋糕同海綿、戚風蛋糕具一定分別，由於唔會再加忌廉或大量配料，質感必須保持濕潤綿密；舖頭堅持每件蛋糕用水蒸焗3小時，所以無燶底燶邊、不皺皮不下陷，食完唔會有喉乾感。

• 

• 

• 

• 

價格方面，最平原味半份$30，其他就由$70-$85不等，特級骯髒朱古力/彩虹面+$15🌈🍫阿祖分別試咗「2層巨無霸(焙茶味+芋泥+紫薯)」、「百潔布(海苔面+斑蘭+黑松露芝士)」、「斑蘭」半份及「鹹蛋黃芝士」半份！口感比坊間濕潤軟熟，空氣感重有啲似梳乎厘班戟🥞味道不會太甜太膩，食咗大半份都唔會有好飽滯嘅感覺。最緊要餡料好足，個人最喜歡斑蘭，第一啖已經充滿斑蘭獨有香氣🌿蛋糕幾大份下，放入雪櫃可存放3日

阿祖平時甚少食古早蛋糕，因為同唔少人嘅諗法一樣、覺得都係普通蛋糕賣貴咁多😅但今次聽咗老闆詳細講解，對小店遵從複雜傳統烹調手法、對少許口味分別而作出咄老堅持，深感佩服💪🏻